ساڵانێک بوو له‌پێناو دیدارێکت سه‌ری خۆم هه‌ڵگرتبوو‌ و هه‌ر پێت نه‌ده‌گه‌یشتم.. تینووی ته‌نیا دیدارێکت بووم و ڕۆژ نه‌بوو نه‌توێمه‌وه‌. ناڵه‌ و نزام گوێی خودای کاس کردبوو.

له‌ئاکامدا ئه‌مشه‌و غافڵگیرت کردم و به پێی خۆت هاتیه لام. چه‌ند سه‌عاتێک، یان نازانم ڕه‌نگه چه‌ند ساتێک پێکه‌وه‌ بووین.. چ به‌خته‌وه‌رییه‌ک بوو خودایه‌! به‌ڵام مخابن له‌پڕ له‌ خه‌و هه‌ستام.. خۆزگه‌مه‌ قه‌ت هه‌ڵنه‌ستابام.

 ئێستا که هه‌ستاوم، ده‌مهه‌وێ چه‌شنی "ستریندبێری" سوپاست بکه‌م که سه‌ردانت کردم و ده‌روونی  ویشکت ئاوه‌دان کردمه‌وه‌...

 

که‌ریم تاقانه‌

  ۹-۱-۲۰۱۱